لما بنصحى الصبح بدرى بنكون محتاجين نشرب فنجان القهوة عشان نصحصح بسرعة ونبدء اليوم بنشاط، بس لما الصيام بدء فى شهر رمضان أكيد اللى بيحتاجوا يشربوا فنجان القهوة الصبح أول ما يصحوا من النوم قبل أى حاجة بيبدءوا يعملوها أكيد حسوا بالمعاناة دى، ولكن لأنه الصيام فريضة ثوابها عظيم بنتحمل تعب أول أيام الصيام، ولكن بعد مرور أسبوع اضطريت أفطر و طبعا عرفت لأول مرة إنه مش مستحب إن المراءة تفطر زى الأيام العادية ولكن تصوم معظم اليوم وتحترم فترة الصيام فلذلك قررت أول يوم أشرب ماء فقط، ولكن تانى يوم مقدرتش أقاوم وشربت قهوة الصبح بتاعتى تانى، ولكن كانت لاحظت تغيير بين اليومين، اليوم الأول اللى شربت فيه مياه فقط كان اليوم عادى، ولكن اليوم التانى اللى شربت فيه القهوة شعرت بإرهاق شديد عند فترة المغرب وتحديدا شعرت كإن شخص خبطنى على رأسى بطريقة مفاجئة، كنت أظن هذا الشعور يأتى فى الأيام العادية بسبب الإرهاق طوال اليوم وممارسة الرياضة والعمل و لكن أنا لا أقوم بكل هذه الأنشطة فى صباح رمضان حتى لا أرهق نفسى واكتشفت أن السبب هو حاجة اسمها “دورة الطاقة الأفعوانية الكافيين”. بس يا ترى إيه اللي بيحصل جوه جسمنا؟ خلينا نفهم سوا!

كيف يؤثر الكافيين على الدماغ والجهاز العصبى!

• الكافيين ده مادة منبهة بتشتغل على الجهاز العصبي، يعني بتخلي المخ يشتغل بسرعة، لكن إزاى بتأثر بالظبط ؟
• الكافيين اللى موجود فى القهوة تركيبه بيكون شبه تركيب مادة فى الجسم اسمها الأدينوسين، ومادة الأدينوسين دى بيفرزها الجسم بعد أما بنبذل مجهود وجسمنا بيحرق طاقة والمادة دى بترتبط بمستقبلات فى مخنا عشان تنبهنا إننا محتاجين نرتاح، بس الكافيين لأنه شبه الأدينوسين بيرتبط بمستقبلات الأدينوسين في المخ بدل الأدينوسين وبيحجب تأثيره.
• لما الكافيين بيرتبط بالمستقبلات دي، بيمنع الأدينوسين من إنه يعمل شغله ويمنع إحساسنا بالتعب و الإرهاق، ونبدء شعورنا باليقظة والنشاط والتركيز.
• بس التأثير ده مش بيدوم، بعد كام ساعة، الكافيين بيبدأ يتكسر في الجسم، والأدينوسين بيرجع يشتغل، وهنا بقى بنحس بالتعب والإرهاق والشعور بالنعاس اللي بيجي بعد تأثيرالقهوة بكام ساعة بسبب تراكم كمية الأدينوسين فى الجسم على مدار اليوم، لأن الكافيين مش بيمنع ولا الجسم بيتخلص من الأدينوسين اللى بيفرزه على مدار اليوم .
• انخفاض الطاقة: تشعر بانخفاض مفاجئ في مستويات الطاقة ‘انهيار الكافيين’، وممكن تحس بأعراض مثل الصداع، والتهيج، وصعوبة التركيز.

دورةالكافيين فى الجسم: “قطار طاقة الكافيين الأفعواني”

الاعتماد على الكافيين لزيادة الطاقة، يشبه ركوب قطار الأفعوانية فى الصعود والهبوط المفاجىء والقوى فى مستويات طاقتك. ودورة الكافيين تمر بثلاثة مراحل:

المرحلة الأولى : الصعود السريع (الإرتفاع)

• لحظة تناول الكافيين: تبدأ الدورة بتناولك للقهوة أو أي مشروب يحتوي على الكافيين.
• التأثير الفوري: يبدأ الكافيين في الوصول إلى مجرى الدم، ثم إلى الدماغ فى خلال 15 دقيقة يمتص الجسم أكثر من 90% من تركيز القهوة.
• زيادة النشاط: نتيجة لحجب الأدينوسين، يزداد نشاط النواقل العصبية مثل الدوبامين والأدرينالين و الأنسولين، مما يؤدي إلى الشعور باليقظة والنشاط والتركيز.
• الشعور بالتحسن: تشعر بتحسن ملحوظ في المزاج والطاقة، وتكون مستعدًا لمواجهة اليوم.

المرحلة الثانية: القمة القصيرة (الذروة)

• أقصى تأثير: تصل مستويات الكافيين في الدم إلى ذروتها، وتكون في قمة نشاطك.
• * مدة قصيرة: هذه المرحلة لا تدوم طويلًا، عادةً ما تستمر لساعات قليلة.

المرحلة الثالثة: الهبوط المفاجئ (الانهيار)

• تلاشي التأثير: يبدأ الجسم في استقلاب الكافيين، وتتلاشى تأثيراته.
• عودة الأدينوسين: تعود مستقبلات الأدينوسين إلى العمل، وتبدأ في التراكم، مما يسبب الشعور بالتعب والنعاس.
• انخفاض الطاقة: تشعر بانخفاض مفاجئ في مستويات الطاقة، وقد تصاحبه أعراض مثل الصداع، والتهيج، وصعوبة التركيز.
• الرغبة في المزيد: تشعر برغبة قوية في تناول المزيد من الكافيين لتجنب الشعور بالانهيار، مما يؤدي إلى تكرار الدورة (وده بيؤدى للاعتماد أو إدمان الكافيين، خاصة بعد فترة من استهلاك الكافيين يحدث “تعود على جرعة الكافيين” بسبب أن الجسم لا يتوقف عن إفراز الأدينوسين بكمية أكبر، مما يجعل جسمك يحتاج لكمية أكبر من الكافييين)

تأثير الكافيين على الجسم:

تأثير الكافيين على هرمون الكورتيزول:

• الكورتيزول ده هرمون التوتر، والكافيين بيزود إفرازه في الجسم، وده ممكن يخلينا نحس بالقلق والتوتر وده لو عند إفرازه بتركيز عالى، القهوة عند بعض الناس وخاصة المعرضين للضغط العصبى ممكن تسبب ارتفاع هرمون الكورتيزول.
• لماذا نشعر بإننا لا نستطيع أن نبدء اليوم بدون شرب القهوة كلنا عارفين الإحساس ده وبنقول جملة “محدش يتكلم معايا قبل ما اشرب القهوة بتاعتى”، السبب هو إننا بقالنا أكتر من 12 ساعة توقفنا عن شرب القهوة وأننا بنعانى من أعراض انسحاب الكافيين من جسمنا وده اللى بيخلينا فى حالة من التوتر وعدم التركيز أول ما بنصحى. ولكن هل نحتاج لشرب القهوة صباحا عند الاستيقاظ؟!
• هرمون الكورتيزول بيكون فى أعلى مستويات عند الاستيقاظ فى الصباح، وده هرمون بيساعدنا على الشعور باليقظة والنشاط فبالتالى إحنا مش محتاجين نشرب قهوة عند الأستيقاظ ولكن شعورنا بإننا بنصحى مش فايقيين ومش قادرين نعمل حاجة من غير ما نشرب قهوة دى سببه شعور انسحاب الكافيين من الجسم بسبب إننا توقفنا عن شرب القهوة لأكثر من 12 ساعة، وده لأننا بنوقف شرب قهوة على الساعة 4 عشان نقدر ننام بالليل.

تأثير الكافيين على مستويات السكر فى الدم

• الكافيين ممكن يأثر على مستوى السكر في الدم، يعني ممكن يخلي مستواه يرتفع بسرعة، وبعدين ينخفض بسرعة، وده ممكن يخلينا نحس بالجوع والرغبة في السكريات.
• خاصة عند استهلاك القهوة فى الأيام اللى حصل لنا فيها أرق بتزيد رغبتنا فى استهلاك السكريات والدراسات أثبتت إن تناول القهوة قبل وجبة فيها سكريات زودت سكر الدم بنسبة 50 %، فمن الأفضل تناول القهوة قبل وجبة فيها بروتنيات عشان متأثرش على سكر الدم.

بدائل للقهوة: طاقة من مصادر تانية

فيه بدائل تانية للقهوة بتدينا نفس إحساس النشاط ولكن فوائدها أكبر لأنها بتكون فيها مضادات أكسد أكتر و فيها مواد بتساعدنا على الأسترخاء والتركيز أكتر وبالتالى مش بتسبب توتروإدمان وصداع زى القهوة.

• الشاي الأخضر: فيه كافيين برضه، بس بنسبة أقل من القهوة، وكمان فيه مضادات أكسدة مفيدة للجسم.
• الماتشا: نوع من الشاي الأخضر المطحون، فيه كافيين وكمان فيه مادة اسمها ل-ثيانين، ودي بتساعد على التركيز والاسترخاء في نفس الوقت.
• المشروبات العشبية: زي النعناع والزنجبيل والقرفة، دي بتدي طاقة طبيعية ومن غير آثار جانبية.
• المكسرات والفواكه المجففة: دي مصادر ممتازة للطاقة، فيها ألياف وبروتين ودهون صحية، يعني بتدي طاقة مستمرة ومش بتخلي مستوى السكر في الدم يرتفع بسرعة.
• الماء: شرب كمية كافية من الماء بيساعد على تحسين الطاقة والتركيز.

نصائح عشان نقلل من اعتمادنا على القهوة

• قلل كمية القهوة اللي بتشربها بالتدريج، مش مرة واحدة.
• اشرب مية كتير، ده بيساعد على تقليل الرغبة في القهوة.
• كل أكل صحي ومتوازن، ده بيدي جسمك الطاقة اللي محتاجها.
• نام كويس، قلة النوم بتزود الرغبة في القهوة.
• مارس الرياضة، دي بتزود الطاقة وبتحسن المزاج.

القهوة ممكن تكون مفيدة، بس لازم نشربها باعتدال وعند الضرورة ويجب أن تنجنبها فى الأوقات التى نشعر بها بالضغط العصبى والأرق والإجهاد لأنها ستؤدى ألى مزيد من الإجهاد و المزيد من التأثيرات السلبية على الصحة العامة والجسم.