أكيد كلنا بتدور فى الأوقات اللى بتكون زهاقنين فيها من ألاكلات الروتينية بتاعة كل يوم أو عايزين نرتاح من دوشة الطبخ أو أخر أسبوع فى الشهر ومحتاجين أكلة تكون لذيذة، صحية، وما تتكلفش كتير، يبقى لازم تجربى وصفة النهاردة! جراتان الخضار بالجبنة وصفة عبقرية، سهلة التحضير، وتناسب أي وقت سواء غداء، عشاء، أو حتى سناك مشبع وخفيف.

ليه الوصفة دي مثالية؟

• مكونات بسيطة ومتوفرة مش هتحتاج تشتري حاجات .غريبة أو غالية
• سريعة التحضيرمش هتاخد منك وقت طويل في .المطبخ
• مغذية ومشبعة ومليانة فيتامينات، ألياف، وبروتين أكلات سهلة وصحية واقتصادية، هتوفر في الفلوس وهتأكل أكل بيتي مضمون.

الجراتان (Gratin)

هو طبق فرنسي الأصل، بيعتمد على خبز المكونات في الفرن مع طبقة من الجبنة أو البشاميل على الوجه، عشان تاخد لون دهبي مقرمش وشكل شهي.

إيه اللي بيميز الجراتان؟

• الوش المقرمش: السر في الطعم الخرافي هو الجبنة أو البقسماط اللي بيعملوا طبقة ذهبية مقرمشة على الوش
• سهل التحضير: كل اللي عليك تخلط المكونات، تحطها في صينية، وتسيب الفرن يعمل السحر!
• ينفع بأي مكونات: ممكن يكون جراتان بطاطس، كوسة، خضار مشكل، فراخ، أو حتى مكرونة.

أشهر أنواع الجراتان

• جراتان البطاطس: شرائح بطاطس مشوية مع كريمة أو بشاميل وجبنة.
• جراتان الكوسة: كوسة مشوية بالفرن مع جبنة بارميزان على الوش.
• جراتان الخضار: خليط من الخضروات مع البيض والجبنة، زي الوصفة اللي كتبناها فوق.

يعني ببساطة، الجراتان أكلة سهلة، لذيذة، ومناسبة لكل الأذواق. جربها وهتحبها أكيد!

المكونات المطلوبة:

• كرنب متوسط الحجم، مقطع شرائح رفيعة
• بطاطس مبشور٤
• حبة كرات مفروم
• جزرة مبشورة
• فلفل ألوان مقطع مكعبات
• بقدونس وشبت مفرومين
• ٤ بيضات
• ملح وفلفل أسود حسب الرغبة
• ربع كوب حليب
• ٥ ملاعق دقيق
• ملعقة صغيرة بيكنج بودر
• كوب جبنة مفضلة عندك (شيدر، موتزاريلا، أو رومي)

طريقة التحضير:

• نبدأ بتقطيع كل الخضار بشكل متناسق، ونبشر البطاطس والجزر عشان يكونوا جاهزين للخلط
• نعصر الخضار كويس، خصوصًا البطاطس والكرنب، عشان نضمن إن الجراتان مش هيكون فيه مياه زيادة
• في وعاء كبير، نضيف الخضار المجهز مع البيض، الملح، الفلفل، الحليب، الدقيق، والبيكنج بودرنقلب الخليط كويس جدًا لحد ما نحصل على قوام متجانس
• نوزع الخليط في صينية فرن مدهونة بشوية زيت أو زبدةندخل الصينية في الفرن على ٢٠٠ درجة مئوية لمدة ٢٥ دقيقة لحد ما يتحمر ويستوي من الداخل
• بعد ما يستوى نرش الجبنة على الوجه، ونعيد الصينية للفرن١٠- ١٢ دقيقة لحد ما الجبنة تسيح وتاخد لون ذهبي شهى

سر الطعم الخرافي؟ الصوص السحري!

مفيش جراتان من غير صوص لذيذ! جرب الخلطة دي .وهتحس بفرق رهيب في الطعم

• ملعقتين زبادي يوناني
• ملعقتين مايونيز خفيف
• توم مهروس
• شبت مفروم ناعم

نخلط كل حاجة مع بعض لحد ما القوام يبقى كريمي وناعم، ونقدمه جنب الجراتان. الطعم؟ خرافي!

أفكار تانية لتوفير الوقت والفلوس

• لو عندك بقايا خضار في التلاجة، استخدمها بدل ما .ترميها، أي نوع خضار ينفع مع الجراتان
• بدل الجبنة الغالية، استخدم جبنة رومي أو جبنة .مثلثات مبشورة، هتدي نفس القوام والطعم اللذيذ
• لو مستعجل، ممكن تحضر الخليط قبلها بيوم وتحطه .في التلاجة، وفي وقت الأكل تدخله الفرن على طول
• مناسب جدًا للأطفال اللي مش بيحبوا الخضار، لأن .الجبنة بتغطي الطعم، وهيأكلوه من غير ما يحسوا

جرّبها ومش هتندم!

الجراتان ده مش مجرد أكل، دي تجربة طعم مختلفة! من أول ما تدخله الفرن، الريحة لوحدها هتخليك جوعان أكتر! جربه النهاردة، واستمتع بأحلى وصفة أكلات سهلة وصحية واقتصادية، وهتلاقيها من الأكلات اللي هتكررها دايمًا في البيت!